Қарағанды қалалық «Әл Машани» мешітінің наиб имамы Әсет Наурызбайұлы қаладағы  №8 қалалық емхана қызметкерлерімен кездесу өткізді.

Кездесу барысында «Ораза кезінде укол, система салдыруға бола ма?» тақырыбы кеңінен талқыланды. Наиб имам оразаның шарттары мен оны бұзатын және бұзбайтын жағдайлар жөнінде түсіндірме беріп, медицина қызметкерлерінің сұрақтарына жауап берді.

Шараның мақсаты – ораза уақытында ем қабылдауға қатысты шариғи үкімдерді нақтылап, халыққа дұрыс ақпарат жеткізу мәселесін пысықтау.