Қарқаралы аудандық «Құнанбай қажы» мешітінің имамы Митератбек Орынбекұлы мешіт жастарына жат ағымның қауіпті салдары мен одан сақтанудың жолдарын түсіндірді.

Кездесу барысында имам жастарды діннің дұрыс ұстанымына сай болуға, діни ақпаратты тек сенімді көздерден алуға және қоғамдағы теріс ағымдардан аулақ болуға шақырды. Жастар тарапынан қойылған сұрақтарға нақты әрі түсінікті жауаптар беріліп, рухани тәрбие жұмыстарының маңыздылығы ерекше аталды.