Қарағанды қалалық «Төле би» мешітінің имамы Жумагулов Рашид Орысбайұлының ұйымдастыруымен жастарға арналған ауызашар дастарханы ұйымдастырылды. 

Ауызашарға жиналған жастар қасиетті Рамазан айының қадір-қасиеті туралы насихат тыңдап, ауызбіршілік пен сыйластықтың маңызын сезінді. Шара барысында имам жастарға ізгілік, сабыр және имандылық жайында уағыз айтып, қоғамда белсенді әрі тәрбиелі болуға шақырды.

Мұндай рухани кездесулер жастардың мешітпен байланысын нығайтып, олардың діни танымын арттыруға бағытталған.