Қарағанды қалалық «Төлеутай ата» мешітінің наиб имамы Дархан Түменбай қасиетті Рамазан айында жамағатқа рухани насихат айту мақсатында «30 күнде – 30 уағыз» жобасы аясында күн сайын тағылымды уағыз жүргізуде. 

Аталған жоба Рамазан айының алғашқы күнінен бастап қолға алынып, әр күні жамағатқа оразаның қадір-қасиеті, сабыр мен шүкіршілік, адамгершілік құндылықтар және ислам әдебі туралы мазмұнды насихат айтылуда.

Жоба арқылы мешіт жамағаты Рамазан айының рухани мәнін терең түсініп, имандылыққа, ізгілікке және бірлікке үндейтін насихаттар тыңдауда.