Қарағанды облысы, Бұқар Жырау ауданы, Баймырза ауылындағы мешіттің имамы Оңғар Хуанганұлының ұйымдастыруымен мешіттің айналасында қар тазалау жұмыстары жүргізілді.

Шара барысында мешіт қызметкерлері мен жамағат бірлесіп аумақты қардан тазалап, мешіттің кіреберісін, жолдарын және жүргінші өткелдерін қауіпсіз етуге үлес қосты. Бұл іс-шара жергілікті қауымның бірлігін көрсетіп, мешіттің қоғамдық өмірдегі белсенділігін арттырды.