Қарағанды қалалық «Төлеутай ата» мешітінің ұйымдастыруымен қасиетті Рамазан айының құрметіне орай мешіт ұжымы қарттар үйіне барып, ондағы қарияларға құрмет көрсетіп, құрма мен су таратты. 

Игі шараның басты мақсаты – үлкендерге ізет білдіріп, Рамазан айының мейірім мен қайырымдылыққа толы рухын насихаттау.

Шара барысында қарияларға жылы лебіздер айтылып, олардың хал-жағдайы сұралды.

Қарттар үйіндегі тұрғындар көрсетілген қамқорлыққа ризашылықтарын білдіріп, мешіт жамағатына ақ баталарын берді.