Осакаровка аудандық мешітінің имамы Құдайберген Серікұлының ұйымдастыруымен қасиетті Рамазан айына орай «Рамазан сыйы»  қайырымдылық акциясы аясында 50 отбасыға азық-түлік үлестірілді.

Игі шараның мақсаты – мұқтаж жандарға қолдау көрсетіп, Рамазан айының мейірім мен жанашырлыққа толы құндылықтарын насихаттау. 

Қайырымдылық шарасы барысында жамағат бір-біріне қамқорлық танытып, қасиетті айдың берекесін бірге бөлісті. Ұйымдастырушылар мұндай игі бастамалар алдағы уақытта да жалғасын табатынын атап өтті.