Қасиетті Рамазан айының құрметіне орай  Абай шахтасының ұжымы ауызашар дастарханын ұйымдастырды. Рухани басқосуға Қарабас кенті мешітінің имамы Шарифулла Шадиев арнайы қатысты.

Кездесу барысында имам Рамазан айының қасиеті жайлы уағыз-насихат айтып, марқұмдардың рухына Құран оқыды.

 Шара барысында қатысушылар бірігіп дұға жасап, Рамазанның берекесі мен ізгілікке үндейтін рухани сәттерін бірге өткізді.