Сұрыптау кенті «Қамзе» мешітінің имамы Думан Қамариденұлының ұйымдастыруымен жас жеткіншектер арасында Мұсылманның 40 парызын және Пайғамбарлардың есімдерін жатқа айтудан танымдық сайыс өтті.

Игі шараның басты мақсаты – жас буынның діни сауатын арттырып, ислам құндылықтарын насихаттау, сондай-ақ балаларды білімге, ізгілікке және рухани тәрбиеге баулу болды.

 Сайысқа қатысқан жеткіншектер мұсылманның парыздарын және пайғамбарлардың есімдерін жатқа айтып, өз білімдерін ортаға салды.

Білім додасының нәтижесі бойынша:

1-орын – Айару Айдынқызы (велосипед)

1-орын – Омар Ерланұлы (велосипед)

2-орын – Ералы Сырымұлы (смарт сағат)

3-орын – Ислам Рауанұлы (құлаққап)

Жеңімпаздар мен қатысушыларға арнайы сыйлықтар табысталып, мешіт жамағаты тарапынан жылы лебіздер айтылды. Шара соңында балаларға ізгі тілектер айтылып, олардың білім жолындағы талпыныстарына сәттілік тіленді.