Қарағанды облысы, Теміртау қаласының имамы Ақниет Сәлімбайұлының бастамасымен жүзеге асып жатқан «Бір күнде бір мұқтажға көмек» атты қайырымдылық акциясы игі жалғасын табуда.

Аталған акцияның басты мақсаты – қоғамдағы мұқтаж жандарға қолдау көрсетіп, мейірім мен жанашырлықты насихаттау. Игі бастама аясында күн сайын тұрмысы төмен отбасыларға, көмекке мұқтаж азаматтарға қажетті азық-түлік пен қолдау көрсетіліп, олардың алғысына бөленуде.

Бұл шара – қасиетті айлар мен ізгі амалдардың мәнін арттырып, жамағат арасында қайырымдылық пен бауырмалдықты нығайтуға бағытталған сауапты іс. Осындай игі істер арқылы қоғамда жақсылық жасау дәстүрі кеңінен дәріптеліп келеді.