Қарағанды қалалық «Ар-Рахман» мешітінде ҚМДБ-ның «Дәстүр және отбасы» бағыты аясында жас отбасына арналған рухани-танымдық іс-шара ұйымдастырылды.

Іс-шара барысында исламдағы отбасы институтының маңызы, ерлі-зайыптылар арасындағы өзара жауапкершілік пен сыйластық қағидаттары жөнінде насихат жүргізілді. Сонымен қатар шариғат талаптарына сай сәбиге азан шақырылып, есім беру рәсімі орындалды.

Аталған шараның негізгі мақсаты – отбасылық құндылықтарды нығайту, ұлттық және діни дәстүрлерді сабақтастыра дәріптеу, жас отбасыларға рухани бағыт-бағдар беру болып табылады.