Қарағанды қалалық «Әл Машани» мешітінде әйел-қыздар жамағаты арасында “Рамазанға қатысты 200 сұрақ” кітабы негізінде өткен  сайыс қорытындыланды. 

Бұл шараның басты мақсаты – қатысушылардың діни білімін арттыру, қасиетті айдың мән-маңызын терең түсіндіру және тақуалыққа тәрбиелеу болды.

Әйелдер мен қыздарға арналған «Артық білім – кітапта» атты оқу үйірмесінің шәкірттері рамазан айында кездескен түрлі сұрақтарға жауаптарын осы кітаптан ала отырып, ораза айын дұрыс өткізуге көп септігін тигізді. Рамазан айының соңында шәкірттер өзара сайысып, тесттік сұрақтарға жауап беру арқылы үздіктер анықталды.

Жеңімпаздар арнайы сыйлықтармен марапатталды. Сонымен қатар, барлық қатысушылардың білімге деген құлшынысы жоғары бағаланып, сыйлықтар табысталды.