ҚМДБ-ның  Қарағанды қалалық «Қазыбек би» мешітінде қасиетті қадір түні жоғары деңгейде  аталып өтті.

Мың айдан да қайырлы болған берекелі кеште мешіт имамы Асылхан Нұртайұлы барша мұсылман қауымын қадір түнімен құттықтап, қасиетті түннің берекеті жайлы уағыз - насихатын айтты. 

Мешітке жиналған мұсылман жамағатына дастарханы жайылып, 150 адамға ауызашар берілді.

Барша жамағат тарауық намазын оқығаннан кейін Құран хатым дұғасын жасады. 

Таң рауандап атқанша мешітте уағыз-насихат тыңдап, құлшылыққа ден қойған мұсылман қауымы бұл түні егеменді еліміз бен кең байтақ жеріміздің амандығын тілеп, бейбітшілігіміздің баянды болуын сұрады.