Қарағанды қалалық «Ар-Рахман» мешітінде қасиетті Рамазан айына орай балаларға арналған «Рамазан тәттісі» атты қайырымдылық шарасы өткізілді.

Іс-шара барысында 30 жас бүлдіршінге арнайы дайындалған тәтті қоржындар таратылып, оларға мерекелік көңіл-күй сыйланды.

Аталған бастаманың негізгі мақсаты – жас буынның Рамазан айына деген құрметі мен сүйіспеншілігін арттыру, мейірімділік пен қайырымдылық құндылықтарын дәріптеу болып табылады.

Бұл игі шара мешіттің әлеуметтік-рухани бағыттағы тәрбиелік жұмыстарының бір бөлігі ретінде жүзеге асырылды.