Абай ауданына қарасты мешіттерде Ораза айт мерекесіне орай айт намазы оқылып, жамағат рухани құлшылыққа жиналды. Сонымен қатар, Рамазан айы бойы тарауық намазын өткізген қариларға арнайы құрмет көрсетіліп, алғыс білдірілді.

Іс-шара аясында мешіт жамағатына арнайы ас беріліп, бірлік пен бауырмалдықты нығайтатын игі басқосу ұйымдастырылды. Жиналғандар қасиетті айда атқарылған амалдардың қабыл болуын тілеп, ұйымдастырушыларға ризашылықтарын жеткізді.