Қарағанды қалалық Төлеутай ата мешітінің ұжымы Ораза айт мейрамының құрметіне орай қазақ халқының ата-бабадан жалғасып келе жатқан ежелгі дәстүрі – көршілерді айттау рәсімін ұйымдастырды.

Игі шара барысында мешіт қызметкерлері мен жамағат өкілдері көрші-қолаңның үйлерін аралап, Ораза айттың қуанышын бөлісіп, ақ тілектерін жеткізді. Көршілерге мерекелік тағамдар ұсынылып, бір-біріне деген сыйластық пен бауырмалдық нығая түсті.