Қарағанды қалалық «Төлеутай ата» мешітінде ұлыстың ұлы күні – әз Наурыз мерекесі мен қасиетті Ораза айттың тұспа-тұс келуіне орай мешітке келген қауымға ұлттық тағам – Наурыз көже таратылды. Бұл игі шара – бірлік пен берекені, татулық пен мейірімділікті дәріптеудің жарқын көрінісі болды.

Жамағат мерекелік көңіл күйде бас қосып, бір-біріне ізгі тілектерін білдіріп, рухани әрі ұлттық құндылықтарды ұлықтады.