Қарағанды қалалық «Хазрет Али» мешітінің ұйымдастыруымен Ұлыстың ұлы күні – әз Наурыз мейрамы кеңінен атап өтілді. Мерекелік шара аясында жамағатқа ұлттық дәстүрге сай әзірленген наурыз көже таратылды.

Игі бастаманың мақсаты – халықты бірлікке, береке мен ынтымаққа шақыру, сондай-ақ ата-бабадан қалған салт-дәстүрді насихаттау болды. Мешіт ұжымы жиналған жамағатқа мерекелік лебіздерін білдіріп, елдің амандығы мен татулығын тіледі.