Қарағанды қалалық “Қазыбек би” мешітінде Ұлыстың ұлы күні – әз Наурыз мейрамы кеңінен аталып өтті. Мереке аясында мешіт жамағатына арнап дастархан жайылып, наурыз көже таратылды.

Игі шараның басты мақсаты – ұлттық құндылықтарды дәріптеу, ел бірлігін нығайту және жамағат арасында ауызбіршілік пен бауырмалдықты арттыру болды. Мешіт ұжымы жиналған қауымды Наурыз мерекесімен құттықтап, ізгі тілектерін жеткізді.