Шет ауданы, Ақадыр кенті «Иса молла» мешітінің ұстазы Әлия Рахманқызының ұйымдастыруымен әйел жамағатына арналған «Ислам және ұлттық дәстүр – адал қоғамның қос тірегі» тақырыбында дөңгелек үстел өтті.

Жиын барысында қоғамдағы адалдық пен адамгершілік құндылықтарды қалыптастырудағы ислам діні мен қазақтың ұлттық дәстүрлерінің маңызы кеңінен түсіндірілді. Адал қоғам кез келген мемлекеттің басты тірегі екені айтылып, адалдықтың негізі – иман мен тәрбие екеніне ерекше тоқталды.

Шара аясында ұлттық дәстүрді дәріптеу мақсатында сәбиге тұсаукесер рәсімі жасалып, көпшілікке тағылымды көрініс ұсынылды.

Жиын соңында дастархан жайылып, ақ жаулықты әжелер бата беріп, ізгі тілектерін білдірді.