Шет аудандық «Жанқұтты би» мешітінің имамы Берік Алпысбайұлының ұйымдастыруымен «Жастар әдебі» тақырыбында рухани-танымдық семинар жиыны өтті.

Жиынға мешіт ақсақалдары мен жастары қатысып, тағылымды басқосу жоғары деңгейде ұйымдастырылды.

Кездесу барысында қариялар жастарға әдеп пен мәдениет, сондай-ақ қазақы тәрбие жөнінде насихат айтып, өмірлік тәжірибелерімен бөлісті. Үлкендердің өнегелі сөздері жас буынға бағыт-бағдар беріп, ұлттық құндылықтарды дәріптеудің маңызын айқындай түсті.

Шара барысында мешіт имамы Құран аяттарын оқып, жамағатқа дұға жасады.

Аталған жиынның басты мақсаты – жастардың бойына имандылық, әдептілік және ұлттық құндылықтарды сіңіру болып табылады.