Қарағанды облысының намысын қорғаған Сұрыптау кенті «Қамзе» мешітінің жамағаты Заңғар Кенжебеков 2026 жылдың 6–10 сәуір күндері Түркістан қаласында өткен Қазақстан Республикасының чемпионатында үздік жетістікке қол жеткізді. 

Ол дзюдо күресінен І орынды иеленіп, самбодан ІІ орынға, ал қазақ күресінен ІІІ орынға тұрақтады.

Аталған жарыс ардагерлер арасында самбо, қазақ күресі және дзюдо спорт түрлері бойынша ұйымдастырылып, елдің әр өңірінен келген спортшылар бас қосты.

Жеңімпазды мешіт имамы Думан Қамариденұлы бастаған мешіт жамағаты зор құрметпен қарсы алып, иығына шапан жауып, сый-сияпат көрсетті. 

Жиналған қауым спортшыға алдағы уақытта да биік белестерді бағындыруды тілеп, ақжарма тілектерін білдірді.