Қарағанды қалалық «Ар-Рахман» мешітінде жастар жамағатына арналған «Суицид профилактикасы» және «Стресске төзімділік» тақырыптарында рухани-психологиялық түсіндірме семинары ұйымдастырылды.

Іс-шара барысында жастарға психологиялық тұрақтылықты сақтау, күйзеліс жағдайларын дұрыс еңсеру, өмірлік қиындықтарға сабырмен қарау және өз-өзіне жауапкершілікпен қараудың маңызы кеңінен түсіндірілді. Сонымен қатар ислам дініндегі адам өмірінің қадір-қасиеті, үміт пен сабыр құндылықтары аясында рухани насихат жүргізілді.

Семинардың негізгі мақсаты – жастардың психологиялық саулығын нығайту, суицидтің алдын алу, сондай-ақ рухани-адамгершілік құндылықтарды қалыптастыру арқылы қоғамдағы әлеуметтік тұрақтылықты арттыру болып табылады.

Аталған іс-шара мешіттің жастармен жұмыс жүргізу бағытындағы ағартушылық және тәрбиелік бастамаларының бірі ретінде жүзеге асырылды.