ҚМДБ-ның Қарағанды облысы бойынша бас имамы Естай Айтуғанұлы Алматы қаласына барған қызметтік сапары барысында «Нұр-Мүбарак»  Египет ислам мәдениет университетінде облысымыздан келіп, білім алып жатқан жастармен кездесу өткізді.

⠀ Қазіргі уақытта Алматы қаласында орналасқан еліміздегі бірегей ислам университетінде Қарағанды облысынан шыққан 40-қа жуық студент білім алуда. ⠀
⠀
   Кездесу барысында облыс бас имамы университетте білім алып жатқан шәкірттердің бүгінгі тыныс-тіршілігімен танысып, шариғи білімін шыңдап жүрген жастармен арнайы сұхбат құрды.

    Сондай-ақ әрбір студенттің  оқу барысы, үлгерімімен жекелей танысып, өтініш-тілектерін тыңдады. ⠀
⠀
⠀  Келелі кездесу соңында студенттерге арнайы дәм беріліп,  облыс бас имамы білім іздену жолында жүрген студенттерге   дұға жасап, ынталандыру сыйлықтарын табыс етті.

ҚМДБ-ның Қарағанды облысы бойынша баспасөз қызметі