Нұра  ауданында «QAMQOR-SHARAPAT» салттық қызмет көрсету орталығының ұйымдастыруымен «Өткенге құрмет- тіріге міндет» акциясы аясында зираттарды тазалау іс-шарасы өтті.

Игі шараға мешіт қызметкерлері мен еріктілер қатысып, қорым аумақтарын қоқыстан тазалап, ретке келтіру жұмыстарын жүргізді. Акцияның басты мақсаты – ата-баба рухына құрмет көрсету, қоғамда тазалық мәдениетін қалыптастыру және қоршаған ортаны қорғау.

Ұйымдастырушылар мұндай сауапты істердің маңыздылығын атап өтіп, алдағы уақытта да жалғасын табатынын жеткізді.