Абай ауданына қарасты Топар кентіндегі мұсылмандар зиратында «Өткенге құрмет – тіріге міндет» тақырыбында тазалық жұмыстары ұйымдастырылды.

Аталған игі шара кент имамы Мурсали Қаленұлының жетекшілігімен өтті. Шара барысында зират аумағы қоқыстан тазартылып, айналасы ретке келтірілді. Бұл бастама – ата-баба рухына деген құрметтің, сондай-ақ қоғамдағы рухани құндылықтарды дәріптеудің айқын көрінісі.

Жергілікті тұрғындар белсенділік танытып, сауапты іске өз үлестерін қосты. Осындай игі шаралар алдағы уақытта да жалғасын табады деп күтілуде.