Қарағанды қалалық «Қазыбек би» мешітінің ұстазы Ажар Қыдырманқызының ұйымдастыруымен «Дін мен дәстүр» бағыты аясында мешіт шәкірттері табиғат аясында атпен серуен құрды.

Шараның мақсаты – ұлттық дәстүрімізді насихаттау, жастардың рухани-мәдени құндылықтарға деген қызығушылығын арттыру, сондай-ақ салауатты өмір салтын қалыптастыру. Сонымен қатар, атқа міну мәдениетін дәріптеп, табиғатпен етене жақын болуға баулу көзделді.

 Серуен барысында қатысушылар табиғаттың әсем көріністерін тамашалап, таза ауада уақыт өткізіп, өзара жақсы қарым-қатынас орнатты. Ұстаз тарапынан тәрбиелік мәні бар әңгімелер айтылып, дін мен дәстүрдің сабақтастығы кеңінен түсіндірілді.