Қарағанды облысы, Бұқар Жырау аудандық «Жыржыс қажы» мешітінде азан шақыруға арналған сыртқы дыбыс ұлғайтқыш жүйесі жаңартылды.

Мешіттің төбесіне орнатылған жаңа дыбыс құрылғысы демеушілердің қолдауымен іске асырылды. Бұл жаңарту азан дауысының анық әрі сапалы естілуіне мүмкіндік береді.

Мешіт жамағаты аталған игі іске үлес қосқан демеушілерге алғысын білдіріп, мұндай қайырымды бастамалардың қоғам үшін маңызы зор екенін атап өтті.