Қарағанды қалалық «Төлеутай ата» мешітінде шәкірттердің білім деңгейін тексеруге арналған емтихан ұйымдастырылды.

Аталған емтихан барысында шәкірттердің діни білімін саралап, олардың меңгерген тақырыптары бойынша деңгейі тексерілді. Арнайы дәріс сабағын екі апталық іс-тәжірибеден өтуге келген болашақ ұстаз Эгамбердиева Аружан жүргізді.

Іс-тәжірибе кезеңінде ол шәкірттерге дәріс оқып, олардың білімін жүйелі түрде бағалап отырды. Емтихан қорытындысы бойынша шәкірттердің дайындық деңгейі сараланып, белсенді қатысқан және жақсы нәтиже көрсеткендерге арнайы сертификаттар табысталды.