Қарағанды қаласындағы «Төле би» мешітінде жөндеу және жаңарту жұмыстары қарқынды түрде жалғасуда.

Мешіттің ішкі және сыртқы келбетін жақсарту мақсатында қолға алынған бұл шаралар мешітке келушілер үшін қолайлы жағдай жасауға бағытталған. 

Қазіргі таңда ғимараттың қабырғалары сыланып, қайта жаңартылуда. Сонымен қатар, жарықтандыру жүйесі жетілдіріліп, мешіттің тазалығы мен эстетикалық көрінісіне ерекше көңіл бөлінуде.

Аталған игі іске мешіт қызметкерлері мен жамағат белсене атсалысып, бірлесе қолдау көрсетуде.