Шахтинск қалалық «Нұр» мешіті мешітінде 9 мамыр – Жеңіс күніне орай Ұлы Отан соғысында қаза тапқан жауынгерлер мен өмірден өткен соғыс ардагерлерінің рухына арнайы Құран бағышталып, дұға жасалды.

Іс-шара барысында бейбіт өмір мен ел тыныштығы жолында жанын қиған боздақтар еске алынып, олардың ерлігі мен өнегелі жолы жайында насихат айтылды. Сондай-ақ жамағат бірлік пен татулықтың қадірін ұмытпай, ел амандығы үшін дұға тіледі.

Алла Тағала марқұм болған барша ардагерлердің рухын шат қылып, елімізге тыныштық пен береке нәсіп етсін!