Қарағанды облыстық «Әнет баба» мешітінде Құран оқытуға келген қала тұрғындарына «Ас беру мәдениеті» құжаты таныстырылып, арнайы жадынамалар үлестірілді.

Шара барысында ҚМДБ-ның Қарағанды облысы бойынша «Дін мен дәстүр» бағытының жауапты меңгерушісі Бақдәулет Қыдырбайұлы құжаттың негізгі талаптарын түсіндіріп, ас беру рәсімдерінде шариғат қағидалары мен ұлттық дәстүрлерді үйлестірудің маңыздылығына тоқталды.

Сондай-ақ марқұмдарды еске алу кезінде ысырапшылдыққа жол бермеу, қарапайымдылықты сақтау, ас мәзірін шектен тыс көбейтпеу және қаралы отбасына артық салмақ түсірмеу мәселелері жөнінде насихат айтылды.

Кездесудің басты мақсаты – халық арасында ас беру мәдениетін қалыптастыру, дін мен дәстүр сабақтастығын нығайту және жамағатты шариғат талаптарына сай ізгі амалдарға үндеу.