Қарағанды қалалық «Бала қажы» мешітінің ұйымдастыруымен қаладағы «Күнгей» мейрамханасында ас беру мәдениетін қалыптастыру және ысырапшылдықтың алдын алу мақсатында түсіндірме жұмыстары жүргізілді.

Кездесу барысында шариғат талаптары мен ұлттық салт-дәстүрлерімізге сай ас беру әдебі, дастархан мәдениеті, ас мәзірін реттеу және орынсыз шығынға жол бермеу мәселелері кеңінен түсіндірілді.

Сондай-ақ, құдайы ас беру кезінде қарапайымдылықты сақтау, астың негізгі мақсаты марқұмға дұға бағыштау, Құран оқу және сауапты амалдар жасау екендігі айтылды.

Аталған шараның басты мақсаты – қоғамда ас беру мәдениетін қалыптастыру, діни және ұлттық құндылықтарды дәріптеу, халықты ысырапшылдықтан сақтандыру.