Хазіреті Пайғамбарымыз (с.ғ.с.): «Кімде-кім өзіне қалаған жақсылықты басқа мұсылман бауырына қаламайынша, толық иман келтірмейді»,- деген. Шахтинск қалалық «Нұр» мешітінде 16- шы желтоқсан күні еліміздің тәуелсіздігіне орай құптан намазынан кейін Бас имам Алімбек Дәулетұлы жамағатпен жүздесіп, тәуелсіздік тұғырлы болсын деп жас ұрпаққа бостандық пен бейбітшіліктің қадір-қасиетін насихаттап, уағыз айтты. Мешіт жамағаты жаңа имамға тәнті болып, ризашылықтарын білдірді. Бұл аталмыш отырыстар енді әр аптаның сенбі күндері жалғасып тұрады.