Шахтинск қалалық «Нұр» мешітінде жастарға арналған «Жастар және отбасы» тақырыбында семинар ұйымдастырылды.

Тағылымды басқосу барысында отбасы құндылығы, шаңырақ көтерудегі жауапкершілік, ерлі-зайыптылар арасындағы өзара сыйластық, ата-анаға құрмет көрсету және ұрпақ тәрбиесі жайында насихат айтылды.

Семинарда жастарға берік отбасы құрудың негіздері түсіндіріліп, отбасылық өмірде сабырлылық, жауапкершілік пен өзара түсіністіктің маңыздылығы сөз болды. Сондай-ақ халқымыздың дәстүрлі отбасылық құндылықтарын сақтаудың мәніне тоқталды.

Шара соңында жастар көкейлеріндегі сауалдарын қойып, пікір алмасты.