Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен «Қамқор-Шарапат» салттық қызмет көрсету бағыты аясында мешіт жамағатына мәйітті кебіндеу бойынша дәріс өткізілді.

Дәрісті мешіт имамы Рауан Төлеубекұлы жүргізіп, шариғат талаптарына сәйкес мәйітті кебіндеу тәртібі мен оның негізгі ережелерін түсіндірді. Сонымен қатар бұл рәсімнің діни маңызына тоқталып, жамағаттың сұрақтарына жауап берді.

Дәрістің мақсаты – мұсылмандық жерлеу рәсімдеріне қатысты діни білімді арттырып, шариғат талаптарын дұрыс меңгеруге бағыт беру.