Шет ауданына қарасты Ағадыр кенті «Иса молла» мешітінің имамы Азамат Серікұлы аймақтағы «Санитарлық-эпидемиологиялық станция — денсаулық сақтау және санитарлық жағдайды бақылау» мемлекеттік мекемесінде кездесу өткізді.

Іс-шара барысында «Суицид профилактикасы», «Жастар арасында стреске төзімділік» тақырыбында насихат айтылды.

Сонымен қатар, тағыда бір қоғам дерті жат діни ағымның алдын алу мақсатында «Жат ағым жарға жығады» тақырыбы түсіндірілді.

Рухани-психологиялық жиынға мекеме қызметкерлері қатысып, көкейлеріндегі сұрақтарына жауап алды.

ҚМДБ-ның Қарағанды облысы бойынша баспасөз қызметі