ҚМДБ-ның Қарағанды облысы бойынша «Әйел-қыздар»  секторы, «Ханифа» қыздар даму клубының ұйымдастыруымен «Отбасы тыныштығы» тақырыбында рухани жиын болып өтті.  Қарағанды облыстық «Әнет баба» мешітінің ұстазы Әйгерім Берікболқызының мұрындық болуымен нәзік жандылар бас қосқан берекелі іс-шара табиғат аясында жүзеге асты.

Жиында Қарағанды қалалық «Әл Машани» мешітінің ұстазы Бақытгүл Айтқалиқызы «Исламдағы отбасы», «Ер мен әйелдің отбасындағы рөлі», «Берекелі отбасының маңызы» тақырыптары аясында уағыз-насихат айтып, отбасы тыныштығын сақтаудын жолдарымен бөлісті.

Әйелдер жамағаты да көкейлерінде жүрген  отбасы мәселесіне қатысты сұрақтарына жауап алды.

Жиын барысында Алла Тағаланың  жаратылыс құдіретін сезіну мақсатында ойындар ойнатылды.

ҚМДБ-ның Қарағанды облысы бойынша баспасөз қызметі