«Дін мен дәстүр» бағыты аясында  ҚМДБ-ның Қарағанды облысы бойынша әйел-қыздар секторының жауапты меңгерушісі, ұстаз Әйгерім Берікболқызының ұйымдастыруымен «Исламдағы бала тәрбиесі» атты семинар өтті. 

Семинардың алғы сөзін бастаған Қарағанды облыстық «Әнет баба» мешітінің ұстазы Әйгерім Берікболқызы семинарға қатысушыларға ұйымдастырылған шараның мән-мақсатын айтып, Пайғамбарымыз Мухаммедтің ( оған Алланың игілігі мен сәлемі болсын) бала тәрбиесіне қатысты хадистеріне тоқталып, Исламдағы жанұя тақырыбында насихат айтты. 

Семинарға Алматы қаласы «Бақыткелді» мешітінің ұстазы, триз педагог, бала психологы, ізгілік педагогикасы мұғалімі Қанатқызы Анара арнайы шақырылып,  «Баламен бақытты қарым қатынас құру » тақырыбында тренинг жүргізді.  Сонымен қатар, баланың жас ерекшеліктеріне байланысты мінез құлықтарындағы өзгерістерге , баламен қарым- қатынастағы қиындықтарды атап өтіп, дұрыс қарым қатынас жасаудың жолдарына тоқталды. 

Семинар соңында мамандар жамағаттардың сұрақтарына жауап берді.

ҚМДБ-ның Қарағанды облысы бойынша баспасөз қызметі