ҚМДБ-ның Төрағасы, Бас мүфти Наурызбай қажы Тағанұлының бастамасымен Қарағанды облысы бойынша өткен  «Имани жаз-2025» атты жазғы сауат ашу  дәрісінде  1 327 бүлдіршін Құран әліппесімен танысып, әдеп және имандылық дәрістерімен сусындады.

Курс барысында балаларға ислам әдебі, тазалық, ата-анаға құрмет, отанға сүйіспеншілік сынды адамгершілік құндылықтар дәріптеліп, әр мешітте қызықты ойындар мен танымдық жарыстар ұйымдастырылды.

Әр мешітте арнайы жабылу салтанаты өтіп, шәкірттерге ҚМДБ және мешіт атынан сертификаттар мен естелік сыйлықтар табысталды. Имамдар мен ұстаздар балаларға ақ жол тілеп, ізгі тілек білдірді.

Айта кетейік, «Имани жаз» жобасы жыл сайын жазғы демалыс кезінде өскелең ұрпақты имандылыққа тәрбиелеу, мешітпен байланысын нығайту мақсатында дәстүрлі түрде ұйымдастырылып келеді.

ҚМДБ-ның Қарағанды облысы бойынша баспасөз қызметі