Шет ауданына қарасты Еркіндік ауылдық «Мұқаш Тұрсын» мешітінің имамы Бақтияр  Есімбеков  мектеп оқушыларымен кездесу өткізді.

Кездесу барысында имам оқушыларға «Адал еңбек – рухани байлықтың негізі» тақырыбында насихат айтып, еңбектің қадір-қасиеті мен маңызын түсіндірді.

Сонымен қатар жастарды теріс діни ағымдардың ықпалынан сақтандыру, олардың қоғамға тигізетін зардаптары туралы түсіндірме жүргізді.

Іс-шараның басты мақсаты – өскелең ұрпаққа адал еңбектің артықшылығын ұғындыру, еңбек арқылы жетістікке жетудің жолын көрсету, сондай-ақ діни сауаттылықты арттырып, жат ағымның алдын алу болды.

ҚМДБ Қарағанды облысы өкілдігінің баспасөз қызметі