Қарағанды қалалық «Төлеутай ата» мешітінде дүниежүзілік тазалық күні аясында кең көлемді сенбілік жұмыстары ұйымдастырылды.

Шара барысында мешіт ғимаратының ішкі- сыртқы тазалық жұмыстары жүргізілді.

Сондай-ақ, мешіт ауласындағы тас жолдар жөнделіп, қоршаған ортаға күтім жасалды.

Игі іске мешіт жамағаты белсене атсалысып, бірлескен еңбектің арқасында мешіттің сыртқы көрінісі одан әрі көркейе түсті. Сенбіліктің басты мақсаты – Алланың үйін таза ұстау, жамағатты ізгі істерге жұмылдыру және қоғамда экологиялық мәдениетті арттыру болды.

Бұл шара жамағаттың бірлігін нығайтып қана қоймай, жастарға үлгі болып, ортақ іске жауапкершілікпен қарауға тәрбиеледі.

ҚМДБ-ның Қарағанды облысы бойынша баспасөз қызметі