18 қазан – «Рухани келісім» мерекесіне орай Қарағанды облысында өткен қазақ күресі сайысында Бұқар Жырау аудандық «Жыржыс қажы» мешітінің шәкірттері жүлделі орын иеленді.

Жарысқа аудан имамы Рүстем Мұратұлының батасымен қатысқан шәкірттер ұлттық спортты насихаттап, салауатты өмір салтына үлгі көрсетті.

Шараның басты мақсаты – ұлттық спорт түрлерін дамыту, жас буынды отансүйгіштікке тәрбиелеу және салауатты өмір салтын насихаттау болып табылады.

Жарыс соңында жеңімпаздар марапатталып, қатысушыларға ынталандыру сыйлықтары табыс етілді.