Қарағанды облысы Шахтинск қалалық «Нұр» мешітінде көп балалы отбасыға азық-түлік түрінде қайырымдылық көмек көрсетілді.

Бұл игі іс мешіт жамағаты мен жанашыр азаматтардың қолдауымен ұйымдастырылды.

Мешіт имамы Мәулен Әбілхайыр Кәсенұлы:

— Қайырымдылық – мұсылманның ең асыл қасиеттерінің бірі. Мұқтаж жандарға көмектесу – қоғамның берекесін арттыратын амал. Алла тағала осындай ізгі істерімізді қабыл еткей, — деп игі тілек білдірді.

Осындай шаралар арқылы мешіт қызметкерлері қоғамдағы әлеуметтік әлсіз топтарға қолдау көрсетіп, ел ішіндегі мейірімділік пен бауырмалдықты арттыруды мақсат етеді.