Қарағанды облысы Шахтинск қалалық «Нұр» мешітінің қызметкерлері Долинка кентінде орналасқан «Карлаг» музейіне зиярат жасады. Игі іс-шараға діни басшылар мен түрлі ұлт өкілдері де қатысып, ортақ тарихқа тағзым етті.

Музей қызметкері қатысушыларға «Карлаг» тарихы, ондағы ауыр кезеңдер мен жазықсыз жапа шеккен азаматтардың тағдыры жайлы жан-жақты мағлұмат берді.

Зиярат барысында қатысушылар еліміздің бейбіт өмірі мен бірлігінің қадірін ұғына отырып, өткеннен тағылым алу қажеттігін атап өтті.

ҚМДБ Қарағанды облысы өкілдігінің баспасөз қызметі