Қарағанды облысы Шахтинск қалалық «Нұр» мешітінің имамы Мәулен Әбілхайыр Кәсенұлы қалалық орталық кітапханада өткен «Бейбітшілік пен келісімнің жалғыз жолы – рухани келісім» тақырыбындағы кездесуге қатысып, мектеп оқушыларымен жүздесті.

Кездесу барысында имам Әбілхайыр Кәсенұлы рухани келісім мен бейбіт өмірдің маңызы жайлы ой бөлісіп, қоғамдағы татулық пен өзара сыйластықтың исламдағы орнына тоқталды. Сондай-ақ жастарды ізгілікке, ынтымақ пен бірлікке шақырып, діни және ұлттық құндылықтарды қадірлеудің маңызын түсіндірді.

Іс-шара соңында оқушылар өздерін қызықтырған сұрақтарын қойып, пайдалы мәліметтер алды. Кездесу жылы атмосферада өтіп, қатысушылар рухани серпіліс алды.

ҚМДБ Қарағанды облысы өкілдігінің баспасөз қызметі