Қарағанды қалалық «Қазыбек би» мешітінде 18-қазан — Рухани келісім күніне орай мешіт имамы Асылхан Нұртайұлы «Рухани келісім- бейбіт өмір бастауы» тақырыбында жамағатқа насихат айтты.

Уағыз барысында имам ел ішіндегі тыныштық пен өзара сыйластықтың маңыздылығына тоқталып, рухани келісімнің қоғам тұрақтылығы мен бейбіт өмірдің басты кепілі екенін атап өтті. Сондай-ақ, мұсылман баласын бірлікке, татулыққа және өзара түсіністікке шақырып, Алланың разылығы бірлікте екенін жеткізді.

Жамағат уағыздан тағылым алып, Рухани келісім күнінің мәні мен маңызын терең сезінді. Мұндай шаралар қоғамда өзара сыйластық пен татулықтың артуына септігін тигізеді.