Қарағанды қалалық «Әл-Машани» мешітінің ұстазы Бақытгүл Айтқалиқызының ұйымдастыруымен 18 қазан – Рухани келісім күніне орай «Бауырластықтың нығметі» тақырыбында мешіт жамағатына тағылымды насихат айтылды.

Шараның мақсаты – қоғамдағы өзара сыйластықты, бірлік пен бейбітшілікті насихаттау, дін мен дәстүр сабақтастығын дәріптеу болды.

Ұстаз Бақытгүл Айтқалиқызы өз сөзінде рухани келісім мен бауырмалдықтың Исламдағы орны жайында айтып, мұсылманның ең көркем сипаты – кешірім мен мейірім екенін ерекше атап өтті. Сондай-ақ жамағатты өзара татулық пен бірлікке, жақсы амал жасауға үндеді.