Қарағанды қалалық «Қазыбек би» мешітінде 25 қазан – Республика күніне орай мешіт жамағатына арналған мерекелік дастархан жайылды.

Шара барысында мешіттің наиб имамы Дастан Абдрахманов «Ел бірлігі – ең асыл қасиет» тақырыбында уағыз-насихат айтты. Уағызында имам тәуелсіз мемлекеттің ең басты тірегі – ынтымақ пен татулық екенін атап өтіп, әрбір мұсылман ел амандығы мен халық бірлігі үшін дұға жасап, қоғамда ізгілік пен мейірім орнатуға атсалысуы керектігін жеткізді.

Іс-шара барысында қасиетті Құран аяттары оқылып, ел қорғаған ата-бабалардың рухына дұға бағышталды.

Мерекелік жиын жамағат арасында жылы атмосферада өтіп, елге деген сүйіспеншілікті, отансүйгіштік сезімді арттыра түсті.

Осындай рухани мазмұндағы шаралар қоғамда бейбітшілік пен бауырмалдықты нығайтуға өз септігін тигізуде.