Қарқаралы аудандық «Құнанбай қажы» мешітінің ұстазы Рахымбаева Айгерім Болатбекқызының ұйымдастыруымен Пайғамбарымыз Мұхаммедтің (с.ғ.с.) өмір жолын танып-білуге арналған «Сиратану» атты рухани-танымдық ойын өткізілді.

Шараның мақсаты  қатысушыларға сүйікті Пайғамбарымыздың (с.ғ.с.) өнегелі өмірі мен көркем мінезін насихаттап, ислам тарихына деген қызығушылықты арттыру болды.

Ойын барысында қатысушыларға сира ілімінен сұрақтар қойылып, пайғамбарлық кезеңдер, сахабалар өмірі мен исламдағы маңызды оқиғалар қамтылды. Танымдық әрі тартымды түрде өткен шара жамағаттың діни білімін тереңдетіп, пайғамбарлық сүннетті ұлықтауға бағытталды.